第七場學生個人音樂會《今晚我C位！》 ｜Elvis【I AM GEMINI】🎭🦹🏼 !!!｜籌辦音樂會計劃

觀眾對Elvis熱烈嘅支持同喜愛不但成功令場地加碼，最後更係所有門票完售🤩!!! 大家將場地迫爆嘅熱情足以見到Elvis嘅魅力啦～恭喜晒Elvis🥳!!! 為咗報答大家嘅支持，Elvis都施展渾身解數，用最好嘅面貌、最精彩嘅表演回饋俾觀眾❤️🔥👏🏻！

Elvis帶來不少玩味十足嘅快歌，少不了佢曾經起Championteng vol.3為大家留下深刻印象嘅代表作《破壞王》，簡直就係用歌聲同節奏將整個舞台玩轉，係名副其實既破壞王呀🦹🏼☄️！～除此之外，Elvis更請來專業伴舞正式向大家展示佢嘅唱跳功力，《Standing Next To You》嘅dancebreak部分真係將全場氣氛推到最高🕺🏼🪩!!! 當然，百變嘅Elvis點會只有鬼馬好動嘅一面呢🤪？同我哋製作室琴手Alison老師合作嘅《陀飛輪》實在係觸動人心，唱到入觀眾心底裏🤍 最後，大家更同Elvis一齊合唱《青春頌》，Elvis最終都忍不住感動落淚，場面非常感人🥹～

儘管Elvis表示當日聲音狀態未如理想，但佢仍然交出收放自如、觀賞性極高嘅舞台，足以見到佢係一個魅力實力並存嘅表演者⚡️🥊！一齊期待佢之後會為我哋帶來咩驚喜啦🥳🥳!!～

‍